RTV AHIRETI
LajmeRajon dhe Botë

Presidenti Erdoğan zhvilloi bisedë telefonike me homologun izraelit

presidenti-erdogan-zhvilloi-bisede-telefonike-me-homologun-izraelit

Presidenti i Turqisë, Recep Tayyip Erdoğan, zhvilloi bisedë telefonike me homologun e tij izraelit, Isaac Herzog, transmeton Anadolu.

Sipas një njoftimi nga Kryesia e Komunikimeve të Presidencës së Turqisë, në bisedën që është zhvilluar mbrëmë janë trajtuar marrëdhëniet Turqi-Izrael.

Presidenti izraelit në bisedë e ka uruar Erdoğan për muajin e Ramazanit, ndërkaq Erdoğan ka uruar homologun e tij për festën hebre “passover”.

Presidenti Erdoğan falënderoi gjithashtu homologun e tij izraelit për solidaritetin dhe mbështetjen e treguar pas tërmeteve, duke theksuar se vazhdojnë të jenë të vendosur për të forcuar marrëdhëniet mes Turqisë dhe Izraelit.

Erdoğan më tej ka shprehur shqetësimin e tij të thellë për aktet e dhunës dhe sulmet në rritje në Bregun Perëndimor në prag të muajit Ramazan, ndërsa theksoi rëndësinë e mos lejimit të provokimeve dhe kërcënimeve ndaj spiritualitetit dhe statusit historik të Mesxhid-i Aksasë.

Ai gjithashtu falënderoi Herzog për përpjekjet e treguar deri më tani në ruajtjen e qetësisë dhe status-quo-s.

Related posts

Lufta në Lindjen e Mesme, SHBA me mesazh të ri për Izraelin: Presim që t’i jepni përparësi mbrojtjes së civilëve në Gaza

admin

“Elektroseverit” i jepet licenca për furnizim të veriut me energji elektrike

admin

Pendarovski: Integrimi Europian i Maqedonisë së Veriut dhe ballkanit perëndimor ka qenë gjithmonë në qendër të përpjekjeve gjatë gjithë mandatit

admin