RTV AHIRETI
LajmeRajon dhe Botë

Presidenti i ri i Kolumbisë e quan dështim luftën kundër drogës – VIDEO

presidenti-i-ri-i-kolumbise-e-quan-deshtim-luften-kunder-droges-–-video

Presidenti kolumbian, Gustavo Petro, ka bërë thirrje për një strategji të re globale për të luftuar trafikun e paligjshëm të drogës.

Duke folur në inaugurimin e tij, lideri i parë i majtë i vendit e deklaroi “luftën kundër drogës” një dështim, raportoi BBC të hënën.

Qindra mijëra njerëz vdiqën në luftën civile dhjetëvjeçare të Kolumbisë, e nxitur pjesërisht nga tregtia e narkotikëve.

Ish-kryebashkiaku 62-vjeçar i Bogotës dhe ish-luftëtari rebel, u zgjodh në qershor në një manifest radikal që premtonte të luftonte pabarazinë dhe të ndalonte projektet e reja të naftës.

Petro i tha një turme mbështetësish të tij në Bogota se është koha për një konventë të re globale që “pranon se lufta kundër drogës ka dështuar”.

“Ka lënë një milion amerikano-latinë të vdekur gjatë 40 viteve, dhe 70,000 amerikano-veriorë të vdekur nga mbidoza çdo vit”, ka thënë ai.

Më shumë se 50 vjet më parë, presidenti i SHBA-së, Richard Nixon nisi një strategji globale kundër narkotikëve që theksonte kriminalizimin dhe përdorimin e forcës policore, e cila u bë e njohur si “lufta kundër drogës”.

Presidenti i sapo betuar i Kolumbisë tha se strategjia thjesht kishte forcuar fuqinë e bandave mafioze dhe kishte dobësuar shtetet e Amerikës Latine gjatë dekadave.

Në Kolumbi, e cila sipas përllogaritjeve prodhon më shumë se gjysmën e kokainës në botë, grupet kriminale dhe milicitë lokale janë shumë të përfshira në prodhimin dhe transportin e drogës për konsumatorët në mbarë botën – përfshirë në SHBA dhe Evropë.

Paraardhësi i Petros, Ivan Duque, e bëri luftën kundër drogës një prioritet kyç të qeverisë së tij – duke kërkuar mbështetje të konsiderueshme të SHBA-së për të goditur prodhimin e kokainës në të gjithë fshatrat kolumbiane. /koha

 

Related posts

Dy vëllezër palestinezë në Suedi, të ardhurat e “Palestine Cola” ua dhurojnë palestinezëve

admin

Vdes një person, rrëzohet nga një objekt ku po punonte, arrestohet pronari i firmës dhe i pronës në Lipjan

rezart morina

Shefat e mbrojtjes turke dhe amerikane diskutojnë çështjet e mbrojtjes dhe sigurisë

admin