Presidenti i Ukrainës, Volodymyr Zelenskyy u takua me ministrin e Jashtëm të Japonisë, Yoshimasa Hayashi, transmeton Anadolu.
Në një deklaratë nga llogaria e tij në median sociale, Zelenskyy theksoi se në kryeqytetin e Ukrainës, Kiev u takua me ministrin e Jashtëm japonez, Hayashi.
Zelenskyy bëri të ditur se në takim ranë dakord për fillimin e negociatave për një marrëveshje dypalëshe lidhur me garancitë e sigurisë në zhvillimin e deklaratës së G7-tës për Ukrainën. “I jam mirënjohës Japonisë e cila vazhdon të jetë partneri ynë kyç në Azi dhe e cila mbështet Ukrainën”, tha Zelenskyy.
Ambasada e Japonisë në Kiev njoftoi se Hayashi mbërriti sot në Kiev.
Vizita e Hayashi-t, tërheq vëmendjen se ajo është vizita e parë që ai zhvillon që nga fillimi i luftës Rusi-Ukrainë.
