RTV AHIRETI
LajmeRajon dhe Botë

Presidenti Zelenskyy vlerëson presidentin Erdoğan për mbështetjen e integritetit territorial

presidenti-zelenskyy-vlereson-presidentin-erdogan-per-mbeshtetjen-e-integritetit-territorial

Presidenti ukrainas, Volodymyr Zelenskyy, ka vlerësuar homologun e tij turk, Recep Tayyip Erdoğan, për mbështetjen e integritetit territorial dhe sovranitetin e Ukrainës, transmeton Anadolu Agency (AA).

“Sot kam pasur biseda të gjata me Erdoğan, presidentin turk. Jam mirënjohës për mbështetjen e vazhdueshme të presidentit Erdoğan për integritetin territorial dhe sovranitetin e shtetit tonë. Ne folëm për bashkëpunimin në sektorët e ekonomisë, energjisë dhe mbrojtjes”, tha Zelenskyy në një video-mesazh të premten mbrëma.

Të enjten, presidenti Erdoğan vizitoi qytetin ukrainas Lviv, ku u takua me presidentin Zelenskyy dhe sekretarin e përgjithshëm të Kombeve të Bashkuara (OKB), Antonio Guterres.

“Unë e vlerësoj Turqinë që ndihmon me këtë projekt duke u kujdesur për rindërtimin e qytetit Kharkiv dhe rrethinave. Një vend që është jashtëzakonisht i fuqishëm mund ta përfundojë këtë detyrë. Marrëveshja e infrastrukturës u nënshkrua, duke shënuar fazën e parë”, tha presidenti Zelenskyy.

Sipas presidentit ukrainas, kriza e ushqimit në botë filloi të përmirësohet pasi hyri në fuqi marrëveshja e korridorit të grurit, që u ra dakord në Istanbul nga Turqia, Rusia, Ukraina dhe OKB-ja.

“Rezultati është i qartë dhe jo vetëm për Ukrainën, por edhe për botën. Sepse ashpërsia e krizës globale të ushqimit ndihet se po zvogëlohet”, u shpreh Zelenskyy.

Ai deklaroi se i kërkoi presidentit turk dhe shefit të OKB-së t’u përgjigjen planeve të Rusisë për të kryer “referendume të rreme” në territoret e aneksuara padrejtësisht nga Moska gjatë luftës në Ukrainë.

Related posts

Diaspora dërgoi mbi 1 miliard euro remitanca deri në shtator 2023

rezart morina

Migrimi në Britani shënon rekord të ri në vitin 2022

rezart morina

Tri anije të tjera me drithë pritet të nisen nga portet e Ukrainës

admin