Farat Chia shpesh referohen si një superushqim pasi ato ofrojnë shumë lëndë ushqyese për kaloritë minimale. Pavarësisht se ato duhet të konsumohen shpesh, ekziston një efekt i madh anësor për të cilin duhet të jeni të vëmendshëm, para se t’i hidhni farat Chia në ushqim.
Janë disa arsye pse kjo mund të ndodhë. Për fillestarët, farat Chia janë shumë të pasura me fibra. Dhe sipas agjencisë për Administrimin e Ushqimit dhe Barnave, doza ditore e rekomanduar për konsumimin e fibrave është 28 gram për një dietë me 2 mijë kalori.
Sado joshëse mund të jetë t’i përmbushësh 36 për qind të nevojave ditore të fibrave vetëm në farat Chia, një veprim i tillë mund të mos jetë lëvizja më e mirë për të gjithë. Kjo vlen në veçanti nëse jeni duke e ngrënë një dietë me pak fibra.
Ndërsa fibrat janë tepër të dobishme për shëndetin dhe ju duhet të përpiqeni ta merrni sasinë e rekomanduar të tyre, konsumimi i aq shumë fibrave në një vakt të vetëm sidomos kur trupi juaj nuk është mësuar të përpunojë shumë fibra, mund të shkaktojë shqetësime të tretjes tek disa njerëz.
Megjithëse disa njerëz mund të përjetojnë fryrje të barkut kur konsumojnë fara Chia, në momentin që trupi juaj përshtatet me konsumimin e niveleve më të larta dhe adekuate të fibrave, ju do të jeni në gjendje t’i korrni të gjitha përfitimet e pabesueshme të farave Chia.
Fibrat në këto fara janë vërtetuar se ju ndihmojnë të qëndroni të ngopur për një kohë më të gjatë, mund të ndihmojnë në heqjen e dhjamit të barkut, mund t’i rregullojnë nivelet e sheqerit në gjak dhe ndihmojnë në uljen e kolesterinës së dëmshme, nga përthithja në qarkullimin e gjakut.
Një mënyrë e mirë e marrjes së përfitimeve të farave Chia pa pasur nevojë të përjetoni ndonjë shqetësim gastrointestinal, është t’i leni ato për ca kohë në ujë para se t’i konsumoni. Në këtë mënyrë, ato i përthithin lëngjet dhe bymehen në gotë dhe jo në bark.
