Presidenti rus, Vladimir Putin, ka deklaruar se në shumë vende, përfshirë Ukrainën, është vënë në praktikë skenari i destabilizimit të shtetit përmes minimit të vlerave themelore, falsifikimit dhe keqinterpretimit të historisë, si dhe ka premtuar se do t’u “vendosë atyre një barrierë në kohë dhe mjaftueshëm për të mbrojtur interesat tona”, transmeton Anadolu Agency (AA).
Në një takim të Komitetit Organizativ të Fitores në Moskë, Putin tha se në shumë mënyra destabilizimi i vendeve dhe popujve fillon me “shtrembërimin e historisë, mbjelljen e miteve dhe erozionin e vlerave”.
Ai shtoi se aktualisht përpjekjet për të rishkruar historinë botërore po bëhen më agresive, me një qëllim të qartë “për t’i ndarë njerëzit, për t’i privuar nga shembulli për t’u ndjekur dhe për t’i dobësuar ata”.
Putin theksoi se skenari i destabilizimit të shtetit përmes minimit të vlerave themelore, falsifikimit dhe keqinterpretimit të historisë është zbatuar në shumë vende, përfshirë Ukrainën.
“Ka pasur përpjekje për të bërë të njëjtën gjë me vendin tonë, me Rusinë”, tha Putin, duke shtuar se megjithatë “ne vendosëm një pengesë në kohë dhe mjaftueshëm për të mbrojtur interesat tona”.
Megjithatë, shtoi ai, për t’i bërë ballë përpjekjeve të tilla, Rusia vazhdon të ruajë memorialet, duke përjetësuar kujtesën historike, përfshirë gjenocidin e popullit sovjetik nga nazistët dhe bashkëpunëtorët e tyre gjatë Luftës së Dytë Botërore.
