Raportohet se Këshilli i Ministrave i Shqipërisë ka miratuar aderimin e vendit në Bordin e Paqes për Gazën, pas ftesës së presidenti të SHBA-së, Donald Trump, transmeton Anadolu.
Gjithashtu në media theksohet se ratifikimi i vendimit të Qeverisë së Shqipërisë pritet nesër në Kuvendin e Shqipërisë.
Disa ditë më parë, kryeministri Edi Rama, konfirmoi se Trump ka dërguar ftesë për përfaqësimin e Shqipërisë në Bordin e Paqes, sipas tij si anëtar themelues.
Këtë ftesë Rama e konsideroi si një “respekt e vlerësim krejt të posaçëm” nga Trumpi.
Presidenti i SHBA-së, Trump, njoftoi disa ditë më parë formimin e Bordit të Paqes për Rripin e Gazës.
Ndërkohë, Shtëpia e Bardhë njoftoi gjithashtu anëtarët e komitetit të ri “teknokratik” që do të mbikëqyrë tranzicionin e pushtetit në Rripin e Gazës, si pjesë e planit me 20 pika të Trumpit për t’i dhënë fund luftës gjenocidale të Izraelit në Gaza.
