RTV AHIRETI
FeaturedKosovëLajmeLajmet

Qeveria mohon se Kurti ka të angazhuar 38 këshilltarë: Raportimi i mbrëmshëm nuk është i saktë

qeveria-mohon-se-kurti-ka-te-angazhuar-38-keshilltare:-raportimi-i-mbremshem-nuk-eshte-i-sakte

Zëdhënësi i qeverisë, Përparim Kryeziu ka thënë se raportimi se kryeministri Kurti i ka të angazhuar 38 këshilltarë nuk është i saktë.

Ai tha se numri total i këshilltarëve, përfshirë ata të jashtëm, është 25. Prej tyre 8, duke qenë të jashtëm, nuk paguhen nga buxheti i Shtetit.

“Ky raportim i mbrëmshëm nuk është i saktë dhe atë në mënyrë të dyfishtë. Së pari, kryeministri Kurti nuk i ka të angazhuar 38 këshilltarë. Numri total i këshilltarëve, përfshirë ata të jashtëm, është 25. Prej tyre 8, duke qenë të jashtëm, nuk paguhen nga buxheti i Shtetit. Së dyti, kryeministri Kurti nuk ka numër më të lartë të këshilltarëve se ç’kishte ish-kryeministri Haradinaj. Numri total i këshilltarëve të emëruar, përfshirë ata të jashtëm, të ish-kryeministrit Haradinaj sipas të dhënave të muajit janar 2020 ishte 33”, ka shkruar ai.

Tutje, Kryeziu ka shkruar numri 38 i raportuar mbrëmë përfaqëson numrin total të stafit të emëruar të kryeministrit.

“Për informim, kabineti i Kryeministrit përbëhet nga këshilltarët politikë, nëpunësit e kabinetit dhe këshilltarët e jashtëm. Ata së bashku përbëjnë stafin e Kryeministrit. Numri 38 i raportuar mbrëmë përfaqëson numrin total të stafit të emëruar të Kryeministrit: 25 këshilltarë, 10 nëpunës, ku bëjnë pjesë zyrtaret ekzekutive dhe administrative, fotografi, zyrtarët e protokollit, asistentët—pra që nuk janë këshilltarë—, dhe të 3 të tjerë të emëruar të kryeministrit, ku përfshihen Kryesuesi i Komisionit Qeveritare për Personat e Zhdukur/Kryetari i delegacionit të Kosovës për bisedime për çështjen e Personave të Zhdukur, koordinatori i Sekretariatit Koordinues Ndërqeveritar Kosovë -Shqipëri, dhe koordinatorja për funksionalizimin e Fondit Sovran, të cilët kanë mandate të veçanta”.

Related posts

Mesxhid Al-Aksa pothuajse e zbrazët në namazin e xhumasë për shkak të kufizimeve izraelite

rezart morina

Mosmarrëveshje rreth divorcit, dhëndëri plagosi me armë ish-vjehrrin në Dragash

RTI

OKB: Nevoja për mbështetje humanitare në veri të Gazës nuk ka qenë kurrë kaq urgjente

RTI