Ministri për Komunitete dhe Kthim në Qeverinë e Kosovës, Nenad Rashiq, ka thënë të mërkurën se gjatë një takimi me kryeministrin e Kosovës, Albin Kurti, janë pajtuar se rregullorja e Bankës Qendrore të Kosovës (BQK) për ndalimin e dinarit është në një periudhë tranzicioni.
Rregullorja e BQK-së, e cila kërkon që euroja të jetë valuta e vetme që mund të përdoret për pagesa me para të gatshme në gjithë vendin, hyri në fuqi më 1 shkurt, me gjithë trysnin e madhe ndërkombëtare për shtyrjen e zbatimit të saj.
“Kur u takova me kryeministrin, kemi ardhur deri te një përfundim, që kjo është një periudhë tranzicioni kështu që shfrytëzuesit ta kenë një mundësi që të përgatiten për përdorimin e kësaj rregullore. Nga ana juridike dhe teknike kjo është mënyra e duhur që të vazhdojmë”, tha Rashiq.
Rashiq ka thënë se në ditën e parë kur është mbyllur Banka Komerciale, në mënyrë automatike 17 mijë klientë kanë kaluar automatikisht në BQK.
“Në ditën e parë kur është mbyllur Banka Komerciale, 17 mijë qytetarë serbë kanë dalë automatikisht në Bankën Qendrore të cilët kanë mundësi të tërheqin pensionet e tyre dha pagat në bankat të cilat janë të licencuara nga BQK” ka thënë Rashiq
