Eurokomisari Johanes Han porositi që interesat politike të lihen mënjanë dhe fuqitë politike të punojnë së bashku për qëllimin e përbashkët. Nga Forumi Ekonomik dhe Financiar në Shkupit, Han theksoi se Maqedonia e Veriut është në rrugë të shkëlqyer drejtë BE-së. Han përsëriti se procesi i anëtarësimit në BE mbetet një proces i bazuar në meritokraci.
“Jam i bindur se në fund, Maqedonia e Veriut, ndoshta do të bëhet antarja e 28 e BE-së. E di që po ju shkon mirë, se procesi i skriningut po ecën mirë, por do doja të dërgoj porosi deri te të gjitha fuqitë politikë në vend-bashkëpunoni, kjo është punë ekipore, duhet të luani si ekip kombëtarë dhe jo si kampionat i individëve. Është e nevojshme të punoni sëbashku, përndryshe nuk do të jeni të suksesshëm”.
Kurse kryeministri Dimitar Kovaçevski, nga i njejti Forum deklaroi se nga ne varet se sa shpejt do t’i bëjmë reformat në rrugën drejt BE-së.
“Anëtarësimi në BE varet nga entuziazmi në BE për zgjerimin dhe thellimin e integrimit evropian, por edhe nga përpjekjet e shteteve kandidate për të përmbushur kriteret dhe standardet e larta të nevojshme, përmes respektimit të vlerave themelore evropiane. Ky proces është reciprokisht i dobishëm për të dyja palët”.
Ai shtoi se vendet e Ballkanit Perëndimor duhet të fokusohen në përballjen me sfidat që i pengojnë në rrugën e prosperitetit. Seanca për ndryshimet kushtetuese do të caktohet kur të këtë shumicë të nevojshme. Në rast se ato dështojnë, sërish do të bllokohet procesi eurointegrues i vendit. /shenja
