Së paku 59 migrantë kanë humbur jetën dhe mbi 100 kanë shpëtuar, pasi një anije peshkimi është fundosur në afërsi të bregdetit jugor të Greqisë, shkruan BBC.
Është e paqartë se sa persona ishin në anije kur u fundos 80 kilometra në jugperëndim të Pylosit.
Por, zyrtarët grekë dhe Organizata Botërore e Migracionit (IOM) ka thënë se qindra persona ishin në anije.
Rojat bregdetare të Greqisë kanë thënë se anija është zbuluar në ujërat ndërkombëtarë vonë të martën, nga një aeroplanë që i takon agjencisë së BE-së për kontroll kufitar, Frontex.
Rojat kanë thënë se pasagjerët kishin “refuzuar çdo ndihmë” dhe se asnjëri prej tyre nuk kishte veshur ndonjë jelek shpëtimi.
Por, vetëm disa orë më vonë, anija u fundos, ndërsa u nis një operacion i madh kërkim-shpëtimi. Operacioni u pengua nga erërat e forta.
Anija raportohet se ishte nisur për në Itali nga Libia, ndërsa shumica ishin burra në të 20-tat. /koha
BREAKING: After a boat carrying at least 450 refugees/migrants capsized near Pylos, #Greece, 79 were confirmed dead and 104 were rescued and transferred here at the port of Kalamata. pic.twitter.com/VoOXa2lcRz
— EvoCentral (@evocentralnews) June 14, 2023
