RTV AHIRETI
LajmeRajon dhe Botë

Rusia emëron komandant të përgjithshëm për luftën në Ukrainë

rusia-emeron-komandant-te-pergjithshem-per-luften-ne-ukraine

Moska ka emëruar të shtunën gjeneralin e ushtrisë, Sergei Surovikin për të udhëhequr operacionin special ushtarak të Rusisë në Ukrainë, sipas zëdhënësit të Ministrisë së Mbrojtjes, Igor Konashenkov.

Ministri i Mbrojtjes, Sergei Shoigu emëroi Surovikin pasi kritikët kërkuan një riorganizim të trupave në Ukrainë duke pasur parasysh disfatat me të cilat u përballën forcat ruse, kohët e fundit.

Analistët ushtarakë pranë Kremlinit e kanë kritikuar avancimin e trupave ukrainase në luftë duke e cilësuar atë si kaotik dhe katastrofik.

“Gazetarët e luftës, komandantët në terren dhe “Grupi Wagner”, një forcë mercenare private ruse, e kanë mirëpritur emërimin Surovikin”, sipas raporteve të medias ruse.

Surovikin ka përvojë të gjatë në luftëra, pas vendosjes së tij në Siri, dhe luftimeve në Çeçeni.

I dalluar si “Hero i Federatës Ruse” për udhëheqjen e tij ushtarake, Surovikin u emërua komandant i Forcave Hapësinore në vitin 2017.

Ai do të përballet me sfida të mëdha duke pasur parasysh sukseset e forcave të Kievit që po avancojnë me shpejtësi në rimarrjen e territorit ukrainas.

Related posts

Koreja e Veriut kryen rundin e katërt të testeve raketore brenda një jave

admin

Çfarë ndodhi? Izraeli urdhëron evakuimin masiv të palestinezëve nga një pjesë e Gazës jugore

admin

BE me 28 ekipe shpëtimi në Turqi

admin