RTV AHIRETI
FeaturedKosovëLajmeLajmet

Shtrenjtohet nafta për 3 cent dhe benzina për 1 cent, çmimi i gazit mbetet i njëjtë

shtrenjtohet-nafta-per-3-cent-dhe-benzina-per-1-cent,-cmimi-i-gazit-mbetet-i-njejte

Ministria e Industrisë, Ndërmarrësisë dhe Tregtisë (MINT) ka caktuar çmimet tavan për shitjen e derivateve të naftës për 48 orët e fundit.

Sipas vendimit, çmimi maksimal i lejuar i naftës është 1.70 euro për litër, i benzinës me 1.40 euro dhe i gazit me 0.76 euro, pra ka shtrenjtim prej 3 centësh për naftë dhe 1 cent për benzin, derisa ka mbetur i pandryshuar ai i gazit, përcjell Telegrafi.

Këto çmime vlejnë nga ora 10:00 e së dielës dhe së hënës.

Pavarësisht zbritjes së dukshëm të çmimit të derivateve të naftës në botë, vlera e naftës në Kosovës në javët e fundit ka shënuar vlera rekorde, për t’u rritur dita-ditës.

Shoqata e Naftëtarëve të Kosovës i ka dërguar letër publike Qeverisë për të kërkuar largimin e çmimit tavan të derivateve.

“Vendime të këtij lloji janë duke i detyruar kompanitë të operojnë me humbje trashanike, dhe shumë shpejt shumë nga kompanitë do të falimentojmë, për shkak të qasjes së gabuar të Qeverisë në vendosjen e çmimit tavan. Ku si kompanitë e mëdha, po ashtu ato individuale me kosto më të ulët të operimit, janë barazuar”, thuhet në letrën e naftëtarëve.

Kujtojmë se Qeveria e Kosovës, në muajin qershor, kishte marrë të njëjtin vendim.

Naftëtarët në Kosovë më 9 qershor, i kishin kërkuar kryeministrit Albin Kurti që të ruhet ekonomia e tregut të lirë dhe që minimalisht marzha (çmimi maksimal) për shitje me shumicë të jetë 3 për qind dhe për shitje me pakicë 12 për qind.

Edhe në muajin mars, ishte marrë vendimi që të përcaktojë çmimet shitëse maksimale apo marzhat tregtare me shumicë dhe pakicë. Sipas këtij vendimi, marzha më e lartë tregtare ishte deri në 4 për qind të çmimit të shitjes, ndërkaq te shitësit me pakicë marzha më e lartë ishte në 6 për qind.

Related posts

Gjendja në vendkalimet kufitare, në Merdar deri në katër orë pritje

admin

Juria e madhe në Georgia padit Trumpin dhe 18 bashkëpunëtorët e tij për ndërhyrje në zgjedhje

rezart morina

Eurodeputetët nuk besojnë te Hungaria, Parlamenti Evropian miraton rezolutën që dënon Budapestin

admin