RTV AHIRETI
LajmeRajon dhe Botë

Scholz kundërshton çdo bashkëpunim me partinë e ekstremit të djathtë AfD

scholz-kundershton-cdo-bashkepunim-me-partine-e-ekstremit-te-djathte-afd

Kancelari gjerman Olaf Scholz, në një intervistë për një gazetë rajonale, hodhi poshtë çdo formë bashkëpunimi, në nivel lokal, shtetëror apo kombëtar, me partinë e ekstremit të djathtë Alternativa për Gjermaninë (AfD).

“Nuk mund dhe nuk duhet të ketë asnjë bashkëpunim me këtë parti,” tha Scholz për Thüringer Allgemeine në një artikull.

Komentet e tij vijnë pas një interviste të fundit televizive me Friedrich Merz, kreun e Unionit Kristian Demokrat (CDU) konservator, i cili sugjeroi se CDU mund të punonte me AfD në politikën lokale.

“Kushdo që dëshiron të ndërtojë një kopsht fëmijësh, mund ta bëjë vetë një propozim të tillë. Ai nuk ka nevojë për një parti të ekstremit të djathtë për këtë”, theksoi Scholz.

Merz, në intervistën e tij me transmetuesin publik gjerman ZDF, tha se partia e tij duhet të njohë sukseset elektorale të AfD-së, por shtoi se “në parlamentet lokale, ne duhet të kërkojmë mënyra për të formuar qytetin, shtetin, qarkun së bashku”. /atsh

Related posts

Një i vdekur nga coronavirusi dhe 1,084 raste të reja

admin

Sveçla: Vuçiq gënjeu për Policinë e Kosovës, gjatë konferencës pati shtrembërime të qëllimshme

admin

Çad, 2.1 milionë njerëz në luftë me urinë

admin