Policia në Kinë, Shtetet e Bashkuara dhe Emiratet e Bashkuara Arabe kanë arrestuar 276 të dyshuar për mashtrim në telekomunikacion, në një operacion të përbashkët për të goditur bandat mashtruese që vepronin në Dubai, ka raportuar të dielën transmetuesi shtetëror kinez CCTV.
Operacioni ishte i pari i këtij lloji midis tri vendeve dhe “shkatërroi me sukses nëntë strofulla mashtrimi”, thotë raporti.
Viktimat u mashtruan duke u futur në investime joekzistente në kriptovaluta, thuhej më tej në raport.
“Policia kineze do të thellojë bashkëpunimin pragmatik me më shumë vende në goditjen e mashtrimit me tela”, ka thënë raporti, duke cituar ministrinë e sigurisë publike të Kinës.
Kina ka punuar gjithashtu me Birmaninë për të ekstraduar një numër të madh të të dyshuarve të përfshirë në bandat transnacionale të mashtrimit kibernetik në vitet e fundit.
