RTV AHIRETI
LajmeRajon dhe Botë

SHBA mbështet Turqinë në presionin që i bën Rusisë për t’iu ribashkuar Marrëveshjes së Drithërave të Detit të Zi

shba-mbeshtet-turqine-ne-presionin-qe-i-ben-rusise-per-t’iu-ribashkuar-marreveshjes-se-dritherave-te-detit-te-zi

Zëdhënësi i Departamentit amerikan të Shtetit, Matthew Miller, tha se SHBA mbështet Turqinë në presionin që i bën Rusisë që t’i bashkohet Nismës së Drithërave të Detit të Zi, raporton Anadolu.

Zëdhënësi Miller iu përgjigj një pyetjeje në lidhje me vizitën e mundshme të presidentit rus Vladimir Putin në Turqi në muajin gusht.

“Unë nuk do të flas për vizitën, në veçanti, përveçse të them një gjë që ne e kemi mirëpritur, e ajo është roli që Turqia ka luajtur në presionin ndaj Rusisë që t’i bashkohet Nismës së Drithërave të Detit të Zi”, tha Miller.

Presidenti i Turqisë Recep Tayyip Erdoğan tha javën e kaluar se nuk është caktuar ende një datë për vizitën e presidentit rus, por bisedimet vazhdojnë dhe shpreson që Putin do ta realizojë vizitën në gusht.

“Ata (Turqia) ishin padyshim shumë konstruktiv, në ndihmimin e arritjes së marrëveshjes për atë iniciativë në radhë të parë dhe ndihmuan në bindjen e Rusisë për të vazhduar me iniciativën”, tha Miller, duke shtuar: “Ata vazhdojnë të luajnë një rol produktiv. Ne mendojmë se është e dobishme që ata të luajnë atë rol”.

Komentet e fundit të presidentit Erdoğan erdhën pas një telefonate me Putinin të mërkurën e kaluar, gjatë së cilës presidenti turk i tha homologut të tij rus se Turqia do të vazhdojë përpjekjet dhe diplomacinë e saj “intensive” për të rifilluar marrëveshjen e drithërave të Detit të Zi.

Më 17 korrik, Rusia pezulloi pjesëmarrjen e saj në marrëveshjen, të cilën e nënshkroi në korrik 2022 së bashku me Turqinë, OKB-në dhe Ukrainën për të rifilluar eksportet e drithërave nga portet ukrainase të Detit të Zi, të cilat u ndaluan pasi filloi lufta Rusi-Ukrainë në shkurt të atij viti. Moska është ankuar se pjesa ruse e marrëveshjes nuk po zbatohej.

Turqia, e vlerësuar ndërkombëtarisht për rolin e saj unik ndërmjetësues midis Ukrainës dhe Rusisë, i ka kërkuar vazhdimisht Kievit dhe Moskës që t’i japin fund luftës përmes negociatave.

Related posts

Detaje për plagosjen në veri, Policia përgënjeshtron mediat serbe se këta të fundit shtinë me armë ndaj dikujt

rezart morina

Mehaj zhvilloi bisedë telefonike me gjeneralin Clark

admin

BE del me studim: Rrjetet kriminale nga Ballkani, kryesojnë tregjet e drogës në rajon e Evropë

admin