Studentët mbështetës pro-palestinezë në Universitetin e Kalifornisë në SHBA, ngritën një kamp të ri solidariteti me qëllimin për të protestuar kundër sulmeve të Izraelit në Rripin e Gazës, transmeton Anadolu.
Qindra studentë që u mblodhën në Los Angeles, rifilluan protestën kur rektori i UCLA-së, u akuzua në Kongresin amerikan me arsyen se ka “dështuar të garantojë sigurinë e studentëve hebrenj” në kampuset e lidhur me universitetin.
Studentët u mblodhën në verandën e ndërtesës se kampusit dhe ngritën një zonë të re kampi duke përdorur barrikada druri, gardhe metalike dhe tryeza.
Personeli i universitetit paralajmëroi protestuesit që të largohen menjëherë nga kampusi, në të kundërtën mund të përballen me masë disiplinore ose mund të arrestohen.
Një pjesë e studentëve që morën pjesë në protestën në mbështetje të Palestinës i dhanë fund protestës pas këtij paralajmërimi ndërsa disa të tjerë u mblodhën sërish në ndërtesën “Dodd Hall” të universitetit.
The post SHBA, rifillojnë protestat në mbështetje të Palestinës në Universitetin e Kalifornisë first appeared on Radio Televizioni Iliria.
