Të paktën 13 njerëz humbën jetën nga shirat e dendur rekord të javës së kaluar në provincën Chiba të Japonisë, njoftuan mediat shtetërore të mërkurën, transmeton Anadolu.
Ndërkojë një person ka mbetur i zhdukur, njoftoi transmetuesi shtetëror NHK, duke cituar zyrtarë lokalë.
Gjithsej 66 shtëpi u dëmtuan, nga të cilat tre u shkatërruan plotësisht, ndërsa 1.105 shtëpi u përmbytën mbi nivelin e dyshemesë dhe 1.209 u përmbytën nën nivelin e dyshemesë.
Rreth 63 njerëz po qëndrojnë në strehimoret e evakuimit të përcaktuara nga komunat që nga e marta, thuhet në raport.
Ekipet e shpëtimit janë angazhuar në lëvizjen e rreth 2.500 automjeteve që u braktisën në rrugët në Chiba pasi u përmbytën, shtoi ai.
