Komandanti i KFOR-it, Ozkan Ulutash, ka takuar ambasadorët dhe shefat e misioneve nga 28 vendet aleate që kontribuojnë me trupat e KFOR-it.
Bëhet e ditur se diskutimi u fokusua në një sërë temash, duke përfshirë situatën e sigurisë, aktivitetet aktuale të KFOR-it dhe bashkëpunimin e KFOR-it me komunitetin më të gjerë ndërkombëtar.
“Ky takim është një tjetër demonstrim i prekshëm i përkushtimit tonë kolektiv dhe të palëkundur drejt sigurisë së qëndrueshme për të gjitha komunitetet që jetojnë në Kosovë dhe stabilitetit rajonal”, thuhet në komunikatën e KFOR-it.
KFOR ka përsëritur thirrjen se vazhdon të përmbushë mandatin e tij, për të kontribuuar në një mjedis të sigurt për të gjithë njerëzit që jetojnë në Kosovë.
