Jeni shumë të lodhur gjatë ditëve të javës për seancat e stërvitjes në orën 6 të mëngjesit ose seancat e mbushura me njerëz në mbrëmje në palestër? Lajm i mirë: Një numër ushtrimesh në fundjavë janë po aq mirë sa aktiviteti gjatë gjithë javës, ka zbuluar një studim i ri.
Studiuesit amerikanë gjurmuan më shumë se 350,000 njerëz për 10 vite për të parë njerëzit që ushtroheshin vetëm në një ose dy seanca – të ashtuquajturit “luftëtarë të fundjavës”.
Organizata Botërore e Shëndetësisë (OBSH) aktualisht rekomandon që të rriturit të bëjnë të paktën 150 minuta aktivitet fizik me intensitet të moderuar çdo javë. Ose mund të bëni 75 minuta aktivitet të fuqishëm, si vrapimi ose noti.
Shumë nga pjesëmarrësit në studim e arritën këtë sasi brenda një jave, por disa e arritën në një ose dy seanca.
Studimi i publikuar në në gazetën JAMA Internal Medicine sugjeron se për sa kohë që njerëzit kryejnë sasinë e rekomanduar të ushtrimeve në javë, nuk ka shumë rëndësi kur stërviten apo çfarë bëjnë.
“Të dhënat e këtij studimi të madh sugjerojnë që individët që përfshihen në modelete të ndryshme të aktivitetit fizik, qofshin luftëtarë të fundjavës apo rregullisht aktivë, përjetojnë shkallë më të ulët të vdekshmërisë për të gjitha shkaqet dhe shkaqet specifike sesa individët joaktivë,” shkruajnë autorët.
