Gjykata Supreme e Mbretërisë së Bashkuar ka marrë vendim se Skocia nuk e ka fuqinë për ta mbajtur referendumin e pavarësisë pa pajtimin e Qeverisë britanike.
Vendimi është disfatë për qeverinë skoceze që kishte nisur fushatën për shkëputje nga Mbretëria e Bashkuar.
Gjykata ka bërë të ditur se parlamenti skocez nuk e ka fuqinë që të nisë referendumin për pavarësinë skoceze. Kryetari i Supremes, Robert Reed, ka thënë se pesë gjykatësit ishin unanim në vendimin e tyre.
Qeveria gjysmëautonome e Skocisë dëshiron të mbajë referendum në tetorin e vitit 2023 me pyetjen nëse Skocia duhet të jetë shtet i pavarur.
Qeveria konservatore e Britanisë nuk ka miratuar kërkesën, duke thënë se kësaj pyetje i është dhënë përgjigje në referendumin e vitit 2014 kur skocezët refuzuan pavarësinë me 55 për qind.
Mirëpo qeveria propavarësisë në Edinburg dëshiron të rishikojë vendimin, duke argumentuar se largimi i Britanisë nga Bashkimi Evropian ka ndryshuar rrënjësisht peizazhin politik dhe ekonomik të Mbretërisë së Bashkuar. /koha
Scotland
Rally for the complete independence from The UK
…..It would seem the World is waking up
pic.twitter.com/WFm0RG8WuH
— 𝙍𝙄𝙎𝙀𝙈𝙀𝙇𝘽𝙊𝙐𝙍𝙉𝙀 (@riseupandresist) November 23, 2022
