Sekretari i Përgjithshëm i NATO-s, Jens Stoltenberg, ka telefonuar presidentin e Serbisë, Aleksandër Vuçiq, sot, pas bisedës që ka zhvilluar një ditë më parë me kryeministrin e Kosovës, Albin Kurti.
“Fola me presidentin e Serbisë, Vuçiq rreth tensioneve në veri të Kosovës. Të gjitha palët duhet të angazhohen me konstruktivitet në dialogun e ndërmjetësuar nga Bashkimi Evropian dhe të zgjidhin dallimet përmes diplomacisë. KFOR-i rri i gatshëm për të ndërhyrë nëse stabiliteti rrezikohet, bazuar në mandatin e Kombeve të Bashkuara”, ka thënë Stoltenberg.
