RTV AHIRETI
LajmeRajon dhe Botë

Stuhia e rërës godet Iranin, mbi 700 persona përfundojnë në spital

stuhia-e-reres-godet-iranin,-mbi-700-persona-perfundojne-ne-spital

Të paktën 733 persona u shtruan në spitalet në provincën Sistan-Baluçistan të Iranit me ankesa të ndryshme të shkaktuara nga stuhia e rërës që goditi juglindjen e vendit, transmeton Anadolu.

Kreu i shërbimeve të urgjencës në Sistan-Baluçistan, Majid Muhibbi i tha agjencisë IRNA se ata ishin shtruar në spital në tre ditët e fundit në qytetet Zabul, Zehek, Hamun, Hirmend dhe Nimruz në veri të Sistan-Baluçistanit.

Ai tha se 58 persona janë ende në spital për trajtim.

Shefi i Institutit Meteorologjik në atë provincë iraniane, Muhsin Haydari tha se për shkak të rritjes së sasisë së pluhurit në ajër, dukshmëria është zvogëluar, sidomos në Zabul dhe Zehek.

Zyra e guvernatorit të Sistan-Baluçistanit njoftoi se institucionet shtetërore dhe bankat në qytetet Zabul, Zehek, Hamun, Hirmend dhe Nimruz janë mbyllur sot për shkak të stuhive të rërës.

Related posts

Një orë e gjysmë pritje në dalje të pikës kufitare në Merdare, kolona arrin 1 kilometër

admin

Arrestohet një shtetas pakistanez në SHBA/ Akuzohet për lidhje me Iranin! Punoi me një vrasës për të kryer atentat ndaj Trump dhe zyrtarëve të tjerë

admin

Izraeli përsërit kërkesën që palestinezët në Gaza të lëvizin vetëm në jug

rezart morina