RTV AHIRETI
LajmeRajon dhe Botë

Sudan, arrin në 850 numri i civilëve të vrarë në konflikte

sudan,-arrin-ne-850-numri-i-civileve-te-vrare-ne-konflikte

Të paktën 850 civilë kanë humbur jetën në përleshjet mes ushtrisë dhe grupit paraushtarak Forcat e Mbështetjes së Shpejtë (RSF) në Sudan, transmeton Anadolu.

Në një deklaratë nga Sindikata e Mjekëve të Sudanit thuhet se 850 civilë kanë humbur jetën ndërsa 3.394 të tjerë janë plagosur në përleshjet e shënuara në kryeqytetin Khartoum dhe qytetet e tjera mes ushtrisë dhe RSF.

Ushtria sudaneze kërkoi nga RSF integrimin e plotë në ushtri brenda 2 viteve, pasi e pa si kërcënim për shkak të sjelljes së saj si një ushtri e pavarur dhe paralele. Retorika e ashpër dhe përshkallëzimi i tensioneve që filluan pasi RSF deklaroi se këtë mund ta pranonte në një proces të shpërndarë në rreth 10 vite pas një qeverie civile, mëngjesin e 15 prillit u shndërruan në përleshje të armatosura mes palëve në kryeqytetin Khartoum dhe në qytete të ndryshme të vendit.

RSF u formua në formën e një strukture milice me qëllim për të luftuar kundër rebelëve, për mbrojtjen e kufijve dhe për të garantuar rendin në rajonin Darfur në kufi me Çadin në perëndim, gjatë periudhës së presidentit Omar al-Bashir i cili u rrëzua me një grusht shteti në vitin 2019.

RSF fillimisht në vitin 2013 ishte e lidhur me Agjencinë e Sigurisë dhe Inteligjencës dhe më pas u bë një strukturë e cila bëhej gjithnjë e më e pavarur. Theksohet se RSF ka dhjetëra mijëra pjesëtarë.

Përleshjet mes palëve vazhdojnë prej 36 ditësh që qytete të ndryshme dhe kryesisht në kryeqytetin Khartoum.

Related posts

Gjenden mbetje mortore në lagjen “Mati 1” në Prishtinë

admin

Serbia vazhdon t’i mbajë lidhjet me Rusinë, Daçiqi takohet me Lavrovin

admin

Macron nuk e përjashton mundësinë e dërgimit të forcave tokësore perëndimore në Ukrainë

admin6