Komisioneri i Lartë i Kombeve të Bashkuara për Refugjatët (UNHCR) ka konfirmuar se të paktën 20 mijë njerëz u detyruan të emigrojnë që nga muaji gusht për shkak të konfliktit të vazhdueshëm në rajonin e Nilit të Epërm të Sudanit Jugor, transmeton Anadolu Agency (AA).
“Dëshpërimi po rritet për shkak të intensifikimit të konflikteve dhe më shumë njerëz detyrohen të migrojnë”, tha përfaqësuesi i UNHCR-së në Sudanin e Jugut, Arafat Jamal.
Jamal deklaroi se të paktën 20 mijë njerëz u detyruan të emigrojnë që nga muaji gusht për shkak të konflikteve në vend.
Duke theksuar se civilët janë të prekur negativisht nga konfliktet, Jamal theksoi se duhet të merren masa kundër krizës humanitare.
Teksa mijëra njerëz u detyruan të lëshojnë shtëpitë dhe familjet e tyre, Jamal tha se gratë dhe fëmijët janë më të prekurit nga konfliktet.
Përleshjet që shpërthyen në fshatin e Nilit të Epërm të Tongas më 15 gusht janë përhapur edhe në rajone të tjera.
