Ambasadori i Bashkimit Evropian, Tomas Szunyog ka përsëritur sot se masat e BE-së ndaj Kosovës janë të përkohshme dhe të kthyeshme.
Megjithatë, ai ka theksuar se nevojitet angazhim konstruktiv për të përmbushur depërshkallizimin e situatës në veri.
Kështu është deklaruar Szunyog pas takimit me Komisionin Parlamentar për Punë të Jashtme.
“Patëm një shkëmbim të mirë me Komisionin për Punë të Jashtme për zhvillimet e fundit dhe situatën në veri. I shpjegova se Masat e BE-së janë të përkohshme dhe të kthyeshme, por nevojitet një angazhim konstruktiv për të përmbushur de-përshkallëzimin siç kërkohet nga deklarata e BE-së”, ka shkruar ai në Twitter.
