RTV AHIRETI
FeaturedKosovëLajmeLajmet

Takimi Kurti-Escobar, Zyra e kryeministrit: Delegacioni qeveritar i Kosovës udhëton për në Ohër me vullnet të mirë

takimi-kurti-escobar,-zyra-e-kryeministrit:-delegacioni-qeveritar-i-kosoves-udheton-per-ne-oher-me-vullnet-te-mire

Kryeministri i Republikës së Kosovës, Albin Kurti, një ditë para takimit të radhës të nivelit të lartë politik në kuadër të dialogut ndërmjet Kosovës dhe Serbisë, priti në Prishtinë zëvendësndihmës Sekretarin e Shteteve të Bashkuara për Çështje Evropiane dhe Euro-Aziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar.

Bashkë me emisarin Escobar dhe ekipin e tij në takim ishte edhe zëvendësambasadorja e ShBA-ve në Kosovë, Alyson Grunder.

“U diskutua për takimin e nesërm në Ohër të Maqedonisë së Veriut për normalizim të marrëdhënieve ndërmjet Republikës së Kosovës dhe Serbisë bazuar në propozimin Evropian, përgatitjet rreth tij dhe pritjet nga ai takim”, thuhet në njoftimin e Kryeministrisë.

Kurti e falënderoi të dërguarin e SHBA-së, Escobar për angazhimin dhe kontributin e tij dhe të Shteteve të Bashkuara të Amerikës në dialog.

Ndryshe, Propozimi Evropian është cilësuar dhe pranuar nga Kosova si bazë e mirë dhe platformë solide për të ecur përpara drejt normalizimit të plotë të marrëdhënieve ndërmjet Kosovës dhe Serbisë, me njohjen reciproke në qendër.

“Të përkushtuar, konstruktiv dhe kreativ, delegacioni qeveritar i Kosovës udhëton për në Ohër me vullnet të mirë, qëllime të mira dhe besim të mirë”, thuhet në njoftimin për media të Zyrës së Kryeministrit.

Related posts

Stërvitje e përbashkët e ushtrisë së Kosovës dhe asaj të Shqipërisë

rezart morina

Mbi 100 kolonë izraelitë hyjnë me forcë në Al-Aksa për të shënuar festën hebraike Purim

RTI

IHR: Rritet në 342 numri i protestuesve që kanë humbur jetën në Iran

admin