Pamjet që kanë ardhur nga Gaza gjatë vitit të fundit kanë tronditur botën. Shtëpi të shkatërruara, spitale të mbingarkuara dhe mijëra civilë të prekur nga lufta pas sulmeve izraelite në territorin palestinez.
Megjithatë, mes rrënojave dhe dhunës, banorët e Gazës përpiqen të vazhdojnë jetën e përditshme. Sigurimi i ushqimit dhe ujit është kthyer në sfidë të përditshme, ndërsa shumë fëmijë të mbetur jetim kujdesen për motrat dhe vëllezërit e tyre më të vegjël.
Një prej tyre është 12-vjeçari Yazan nga Khan Younis, historia e të cilit është dokumentuar nga regjisori palestinez Yousef Hammash. Jeta e tij ka ndryshuar plotësisht që nga fillimi i luftës, duke u përballur çdo ditë me mungesën e sigurisë, ushqimit dhe kushteve normale për jetesë.
Raporti tregon realitetin e vështirë të mijëra fëmijëve në Gaza, ku sipas vlerësimeve rreth 20 mijë fëmijë kanë mbetur jetimë si pasojë e luftës.
Reportazhi është xhiruar nga Ebraheem Abu Eshiba, prodhuar nga Thom Walker dhe montuar nga John Moratiel. /mesazhi
