RTV AHIRETI
LajmeRajon dhe Botë

Të paktën gjashtë të vdekur nga zjarri në Jerevan

te-pakten-gjashte-te-vdekur-nga-zjarri-ne-jerevan

Zjarrfikësit ende po luftojnë me flakët në një treg të madh në Jerevan, një ditë pasi një shpërthim shkaktoi zjarr, duke vrarë të paktën gjashtë persona dhe plagosur dhjetëra të tjerë.

Operacionet e shpëtimit kanë vazhduar më 15 gusht, tha Gary Armaghanyan, zyrtar nga Ministria armene për Situata Emergjente.

Ai tha se deri më tani, 16 persona po konsiderohen të zhdukur.

“Aktualisht, zjarrfikësit dhe ekipet e shpëtimit po vazhdojnë operacionet. Zjarri ende nuk është vënë nën kontroll dhe operacionet e kërkim-shpëtimit po vazhdojnë”, tha ai për Shërbimin armen të Radios Evropa e Lirë.

Një numër i panjohur i personave janë bllokuar nën rrënoja pas shpërthimit që shkaktoi zjarr në tregun Surmalu në Jerevan. Shpërthimi ndodhi në zonën ku ruhen fishekzjarrët.

Tregu ku ndodhi shpërthimi gjendet rreth dy kilometra në jug të qendrës së qytetit.

Videot e postuar në rrjetet sociale shfaqën shtëllunga tymi që ngriheshin nga tregu Surmalu, ku veç tjerash, shiten fishekzjarrë dhe mjete të tjera piroteknike.

Related posts

Stërvitja “Strong Eagle”, Shqipëria bashkëpunon me Mbretërinë e Bashkuar në fushën e mbrojtjes

RTI

Gjermania “shumë e shqetësuar” nga rishikimi i planifikuar i gjyqësorit të Izraelit

rezart morina

Këshilli i Evropës i bën thirrje Italisë që të garantojë shpëtimin e emigrantëve në det

admin6