Një tërmet me magnitudë 5.9 goditi Iranin veriperëndimor pranë kufirit me Turqinë të shtunën, duke vrarë të paktën tre persona dhe duke plagosur më shumë se 300, njoftuan mediat shtetërore.
Agjencia zyrtare e lajmeve IRNA raportoi numrin duke cituar kreun e shërbimeve të urgjencës në universitetin në qytetin Khoy, afër epiqendrës së tërmetit.
Një zyrtar i urgjencës i tha televizionit shtetëror se po binte borë në disa nga zonat e prekura, me temperatura të ulëta dhe kishte disa ndërprerje të energjisë elektrike.
Lëvizjet e mëdha tektonike përshkojnë Iranin, i cili ka pësuar disa tërmete shkatërruese në vitet e fundit.
