RTV AHIRETI
FeaturedKosovëLajmeLajmet

Tensione në Zveçan, protestuesit i gjuajnë KFOR-in me shok-bomba

tensione-ne-zvecan,-protestuesit-i-gjuajne-kfor-in-me-shok-bomba

Situata në veri të Kosovës vazhdon të jetë e tensionuar, pas vendosjes së kryetarëve të rinj shqiptarë në objektet komunale të Zveçanit, Zubin Potokut dhe Leposaviqit.

Disa qindra serbë u mblodhën sot (e hënë) para ndërtesave komunale në veri të Kosovës dhe kërkojnë tërheqjen e policisë së Kosovës dhe kryetarëve të sapozgjedhur shqiptarë.

Si rrjedhojë e kësaj, numër i shtuar i forcave të KFOR-it janë parë në katër komunat me shumicë serbe në veri të Kosovës.

Në Zubin Potok janë parë pjesëtarët e KFOR-it nga Lituania dhe Austria. Në Leposaviq janë të pranishëm KFOR-i nga SHBA dhe Italia.

Kurse në Zveçan janë pjesëtarët KFOR-it nga Polonia dhe Hungaria.

Përveç KFOR-it, afër vetë objekteve komunale, janë edhe pjesëtarë të Policisë së Kosovës.

Policia është detyruar të përdorë gaz lotsjellës në Zveçan për të ndaluar protestuesit të cilët tentuan të hyjnë me forcë në objektin e kësaj komune.

Related posts

Sipërfaqja e Lumit Drina në BeH mbulohet me mbeturina

admin

Ministri gjerman i Mbrojtjes të hënën në Kosovë, pritet nga liderët e shtetit

admin6

Erdogan: Falë Zotit, tani jam shumë më mirë – VIDEO

rezart morina