Të paktën gjashtë persona kanë humbur jetën dhe 21 të tjerë janë lënduar pas dy tërmeteve që goditën një zonë malore në Perunë qendrore.
Lëkundjet sizmike me magnitudë 5.1 dhe 3.7 u regjistruan të shtunën mbrëma në provincën Chupaca, në rajonin Junín, rreth 300 kilometra në lindje të kryeqytetit Lima.
Sipas Qendrës Kombëtare Sizmologjike të Perusë, tërmeti i parë ndodhi në një thellësi prej 24 kilometrash, ndërsa pasgoditja në rreth 18 kilometra thellësi.
Autoritetet e mbrojtjes civile kanë nisur vlerësimin e dëmeve në zonat e prekura, ndërsa ekipet e emergjencës po vazhdojnë kërkimet dhe ndihmën për banorët.
Tërmetet kanë shkaktuar dëme në disa objekte, përfshirë ndërtesa publike dhe objekte fetare në zonën e Andeve, ndërsa autoritetet paralajmërojnë se mund të ketë edhe lëkundje të tjera pasuese.
