RTV AHIRETI
LajmeRajon dhe Botë

Tërmeti me magnitudë 7.2 trondit Tajvanin

termeti-me-magnitude-7.2-trondit-tajvanin

Një tërmet me magnitudë 7.2 ballë ka goditur të dielën bregun lindor të Tajvanit, ka njoftuar Shërbimi Gjeologjik i Shteteve të Bashkuara, shkroi CNN-i.

Por, agjencia e motit e Tajvanit tha se magnituda e tërmetit ishte më e ulët. Sipas kësaj agjencie, tërmeti ishte i fortë 6.8 ballë.

Deri më tani nuk ka raportime për viktima apo të lënduar. Gjithashtu nuk dihet ende ndikimi i dëmeve të tërmetit.

Ky nuk është tërmeti i parë në Tajvan. Në qershor, një tërmet me magnitudë 6.0 goditi po të njëjtën pjesë të Tajvanit.

Në atë kohë, byroja e motit në Tajvan raportoi se thellësia e tërmetit ishte 6.8 kilometra, me epiqendër në Hualien – pjesë më pak e populluar e ishullit.

Një tërmet ka ndodhur edhe majin e kaluar në Tajvan, fuqia e të cilit arriti në 6.3 ballë.
Ky vend ka qenë i njohur për goditje nga tërmeti edhe më parë. Madje u shkaktuan edhe vdekjet e qindra njerëzve.

Në vitin 2016, më shumë se 100 njerëz vdiqën nga lëvizjet tektonike që tronditën Tajvanin jugor.

Më pas në vitin 1999, Tajvani u godit nga një tërmet i madh me magnitudë 7.3 ballë. Si pasojë më shumë se 2000 njerëz vdiqën. /koha

Related posts

Hong Kongu goditet nga reshjet më të mëdha në 140 vjet

admin

Izraeli vazhdon kufizimet në Al-Aksa edhe në xhumanë e parë të Ramazanit

admin6

Digjet edhe një veturë me targa serbe në veri të Mitrovicës

admin