Pothuajse gjysma e territorit të Çekisë po përjeton kushte ekstreme të thatësirës së tokës, sipas projektit të monitorimit të thatësirës InterSucho, i drejtuar nga Instituti CzechGlobe, transmeton Anadolu.
Siç raporton Radio Prague International, niveli më i lartë i thatësirës i përcaktuar nga projekti aktualisht po prek pjesë të mëdha të vendit, ndërsa kushtet më të rënda janë përqendruar në Moravi.
Rreth 40 për qind e tokës së Çekisë ka më pak se 15 milimetra ujë të disponueshëm në shtresën e sipërme të tokës deri në një metër thellësi.
Një e katërta e territorit të vendit ka një nivel relativ të lagështisë së tokës me ujë nën 10 për qind, që konsiderohet si pika e tharjes së bimësisë, kur bimët nuk janë më në gjendje të thithin sasi të mjaftueshme lagështie nga toka.
