Është një nga ëmbëlsirat më të famshme që bëhet pa pjekje. Përgatitet shpejt dhe lehtë, ndërsa duhen vetëm rreth 30 minuta që të jetë gati.
Edhe pse është një tortë e thjeshtë, në tavolinë duket vërtet luksoze dhe shija e saj është e pabesueshme.
Përbëhet nga tre kremra shumë të shijshëm që kanë saktësisht të njëjtën bazë. Duke qenë se kremi bazë është identik, ajo që ndryshon janë përbërësit që i shtohen për shijen përfundimtare. Një krem është me aromë arre, një tjetër me aromë kokosi dhe i treti me shije biskotash.
Përbërësit
1 litër qumësht
4 pudingë me vanilje
300 g sheqer
250 g gjalpë
200 gr biskota të bluara
200 gr kokos
200 gr arra te bluara, krem pana për dekorim
Përgatitja
Gatuani katër pudingë me vanilje, por jo sipas udhëzimeve në paketim, por në 1 litër qumësht. Më pas ftohni pudingun dhe shtoni gjalpin e përzier me sheqer në shkumë.
Ndajeni përzierjen në tri pjesë. Në njërën pjesë shtoni kokosin, në të dytën arrat e bluara dhe në të tretën biskotat e bluara. Shtoni përbërës të mjaftueshëm për ta bërë pudingun të fortë sa të përhapet.
Në kallëpin e tortës, fillimisht vendosni krem me biskota, më pas krem me kokos dhe në fund me arra.
Pastaj dekorojeni tortën me krem pana ose çokollatë dhe fruta sipas dëshirës tuaj.
/Telegrafi/
The post Torta pa pjekje është gati për vetëm gjysmë ore, me siguri do të bini në dashuri me shijen e kësaj ëmbëlsire appeared first on Telegrafi.
