Qindra protestues janë përplasur me policinë në marshin drejt Konsullatës amerikane në Selanik të Greqisë. Marshi ka nisur për të shënuar përvjetorin e protestës studentore të vitit 1973, e cila ishte shtypur nga diktatura ushtarake e Greqisë.
Një grup i vogël i protestuesve ka sulmuar policinë me gurë dhe koktej molotovi. Autoritetet greke kanë reaguar me gaz lotsjellës. Përvjetori i protestës shënohet çdo vit me marshe që nisin nga Universiteti Politeknik i Athinës drejt Ambasadës Amerikane, këto marshe shpesh janë kthyer në protesta të dhunshme. Mijëra njerëz kanë marshuar paqësisht edhe në Athinë. Ata kanë marshuar në prezencë të madhe policore.
Në vitin 1973, regjimi ushtarak angazhoi policinë dhe ushtrinë për të shtypur protestat pro-demokracisë që kishin nisur në Universitetin Politeknik të Athinës. Policia kishte hapur zjarr ndaj protestuesve.
Së paku 20 persona besohet se janë vrarë, ani pse numri i saktë i nëntorit të vitit 1973 kurrë nuk është përcaktuar. Pas protestës ishte organizuar puçi brenda juntës, duke sjellë në pushtet oficerë edhe më të ashpër. Greqia ktheu demokracinë në vitin 1974 pas rënies së diktaturës.
You’re watching workers hitting the streets of #Athens and #Thessaloniki today, as the general strike explodes right across Greece. Targeting the centres of power. Protecting our class. This is what resistance looks like. #antireportpic.twitter.com/rqOdXmefa4
— GhostofDurruti (@DurrutiRising) November 9, 2022
