Ishuj dinjiteti në BE që nuk pranojnë një event muzikor me gjenocidalë
Transmetuesit publikë të Spanjës, Irlandës dhe Sllovenisë kanë njoftuar se nuk do ta transmetojnë edicionin e 70-të të Konkursit të Këngës në Eurovision këtë javë, pasi po e bojkotojnë këtë spektakël muzikor për shkak të pjesëmarrjes së Izraelit.
Transmetuesi publik slloven RTV ka njoftuar se në vend të finales së Eurovision të shtunën, do të transmetojë një program kushtuar palestinezëve.
“Në vend të cirkut të Eurovision, programi televiziv publik do të dominohet nga seriali tematik ‘Zërat e Palestinës’”, tha RTV Slovenia në një deklaratë të dielën.
Irlanda është një nga fitueset rekord të Eurosong-ut, plot shtatë herë, por të shtunën, RTE irlandeze do të transmetojë një episod special të serialit të njohur komik “Father Ted” kushtuar këtij eventi.
Ndërsa RTVE e Spanjës ka përgatitur specialen e vet muzikore të quajtur “Shtëpia e Muzikës”.
Transmetuesit publikë në Holandë dhe Islandë do të vazhdojnë të transmetojnë konkursin, edhe pse vendet e tyre nuk marrin pjesë këtë vit. /tesheshi
