Ministria e Jashtme turke “dënoi ashpër” bastisjen e grupeve fanatike hebreje në Xhaminë Al-Aksa nën mbrojtjen e policisë izraelite, transmeton Anadolu.
“Ne dënojmë fuqishëm bastisjen në Xhamisë Al-Aksa më 18 maj nga grupet fanatike hebreje nën mbrojtjen e policisë dhe përpjekjet e tyre për të kryer lutjet në këtë zonë, duke shkelur edhe një herë status quo-në historike në Haram Al-Sharif”, tha ministria në një deklaratë.
Turqia i kërkoi qeverisë izraelite të mos lejojë “veprime të tilla provokuese”.
“Ne presim që masat e nevojshme për ruajtjen e status quo-së në vendet e shenjta të merren seriozisht dhe pa vonesë”, shtoi ministria.
Qindra kolonë izraelitë u futën me forcë në kompleksin e Xhamisë Al-Aksa në Kudsin Lindor të pushtuar.
Bastisja erdhi ndërsa kolonët izraelitë përgatiteshin të festonin 56-vjetorin e pushtimit të Kudsit Lindor së bashku me “marshin e flamurit”, paradën e planifikuar në zonat e qytetit të vjetër të Kudsit Lindor.
“Marshi i flamurit” organizohet nga kolonët izraelitë çdo vit për të shënuar atë që ata e quajnë bashkimi i Kudsit, duke iu referuar pushtimit të qytetit nga Izraeli në vitin 1967.
