Turqia dhe Bullgaria nënshkruan një marrëveshje për transmetimin e një gazit natyror në sasi prej 1,5 miliard metra kub në vit, transmeton Anadolu Agency (AA).
Marrëveshja e re vlen për një periudhë 13-vjeçare, tha ministri i Energjisë dhe Burimeve Natyrore të Turqisë, Fatih Dönmez, i cili qëndron në vizitë në Sofje, ku është pritur nga homologu i tij bullgar Rossen Hristov.
Dönmez shtoi se një bashkëpunim i tillë do të kontribuojë shumë në sigurinë e furnizimit me gaz natyror të Evropës, si dhe të Bullgarisë.
Marrëveshja e gazit u nënshkrua midis dy vendeve nga Drejtuesit e Përgjithshëm të Kompanisë Turke të Naftësjellësit (BOTAŞ) dhe Bulgargaz.
Marrëveshja vjen një muaj pasi liderët e vendeve dhe ministrat e Energjisë u takuan në Istanbul.
“Ne jemi të kënaqur që temat e diskutuara në Istanbul janë kthyer në hapa konkretë sot në Sofje, më pak se një muaj pas takimit tonë të fundit,” tha Dönmez.
