Kreu i Agjencisë së Kombeve të Bashkuara për Ndihmën dhe Punën për Refugjatët Palestinë (UNRWA), Filipe Lazzarini, tha dje se më shumë se 100.000 palestinezë janë vrarë, plagosur ose zhdukur në katër muajt e fundit në sulmet izraelite në Rripin e Gazës.
“Kjo shifër përfaqëson 5% të popullsisë së përgjithshme në rajon. Më shumë se 80% e popullsisë është shpërngulur, shumica prej tyre disa herë”, ka njoftuar Lazzarini në rrjetin social X.
Ai gjithashtu deklaroi se rreth 17.000 fëmijë në Gaza u lanë të pashoqëruar ose të ndarë nga prindërit e tyre.
“Armëpushimi është vonë. Duhet një rrugë tjetër për të mirën e njerëzve në Gaza, gjetkë në rajon dhe më gjerë”, përfundoi Lazzarini.
Më 26 janar, një numër vendesh ndaluan financimin e UNRWA-s pasi Izraeli pretendoi se disa punonjës të agjencisë së OKB-së ishin përfshirë në sulmin e 7 tetorit nga Hamasi ndaj Izraelit.
Agjencia tha se kishte nisur një hetim dhe kishte ndërprerë kontratat e disa punonjësve pas akuzave izraelite.
