Ushqimet luajnë një rol kyç në shëndetin e dhëmbëve dhe për buzëqeshjen.
Larja dhe pastrimi në imtësi i dhëmbëve, por edhe konsumi i ushqimeve të duhura janë të rëndësishme për parandalimin e kavitetit, prishes së dhëmbëve dhe sëmundjeve të mishrave të tyre.
Ushqimet më të mira për dhëmbët janë ato që neutralizojnë acidet, ofrojnë minerale dhe vitamina për të riparuar enamelin e dhëmbëve dhe stimuluar sekretimin e pështymës.
AgroWeb.org jep rekomandimet e mëposhtme për ushqimet më të mira dhe më të këqija për shëndetin e gojës.
Qumështi Dhe Nënproduktet e Tij
Qumështi është një produkt bylmeti i pasur me kalcium, fosfat dhe vitaminë D që e ndihmon organizmin të shfrytëzojë plotësisht kalciumin. Të gjithë këto ushqyes janë të dobishëm për kocka dhe dhëmbë të shëndetshëm e të fortë.
Pirja e rregullt e qumështi riparon enamelin e dhëmbëve dhe forcon kockat.
Edhe djathi apo kosi janë një zgjedhje e shkëlqyer për kockat dhe dhëmbët sepse ndihmojnë në sekretimin e pështymës.
Ato përmbajnë kalcium dhe fosfat që ndihmon në neutralizimin e acideve në gojë por edhe kaseinë që forcon sipërfaqen e dhëmbëve.
Agrumet
Agrumet si portokalli, qitro e të tjera janë të rekomandueshme për shëndetin e gojës, nëse konsumohen pa e tepruar
Për më tepër, ato përmbajnë shumë vitaminë C, e cila u bën mirë mishrave dhe pengon inflamacionin e tyre.
Lëngu i portokallit pastron dhëmbët dhe gojën natyralisht.
Ai largon bakteret e dëmshme dhe parandalon prishjen e dhëmbëve.
Lëngu i portokallit ka aciditet ndaj menjëherë pas pirjes duhet të lani dhe pastroni dhëmbët.
Barishtet
Barishtet janë të pasura me prebiotikë të cilat shumojnë bakteret e mira në gojë.
Sa më të errëta të jenë ato aq më e lartë është përmbajtja e mineraleve që u bëjnë mirë dhëmbëve.
Shembuj të mirë të barishteve janë: kale, spinaqi, rukola etj.
Ushqimet Më Të Këqija Për Shëndetin e Dhëmbëve
Sipas ekspertëve, pijet e gazuara dhe me sheqer, frutat e thata, biskotat e kripura, thjerrëzat dhe fasulet nuk janë të përshtatshme.
Ato përmbajnë acid fitik i cili pengon përthithjen e ushqyesve të pasur nga dhëmbët.
Për të neutralizuar këtë acid, në rastin e legumeve, këshillohet futja e tyre në ujë për gjithë natën dhe më pas gatimi.
