Ushtria izraelite ka njoftuar përfundimin e bastisjes dhe tërheqjen e të gjitha trupave nga kampi i refugjatëve në Jenin të Bregut Perëndimor të pushtuar, transmeton Anadolu.
Në një deklaratë për radion e ushtrisë izraelite, zëdhënësi Daniel Hagari tha se “të gjitha forcat janë larguar nga Jenini”, duke pretenduar se “qëllimet e bastisjes janë arritur”.
Hagari gjithashtu tha se ushtria izraelite ka arrestuar mbi 300 persona në Jenin. Ai shtoi se “jo-luftëtarët” janë vrarë gjatë inkursionit.
Ndërkohë, një gazetar i Anadolu-t konfirmoi tërheqjen izraelite nga Jenini pas bastisjes 48-orëshe dhe tha se jeta e përditshme gradualisht filloi të kthehet në normalitet në kampin e refugjatëve me kthimin e banorëve që ikën gjatë bastisjes izraelite.
Të hënën, ushtria izraelite filloi një bastisje të madhe në kampin e refugjatëve në Jenin me përfshirjen e sulmeve ajrore.
Sipas Ministrisë së Shëndetësisë së Palestinës, ofensiva izraelite shkaktoi vdekjen e 12 palestinezëve në Jenin dhe mbi 100 të tjerë u plagosën së bashku.
Ofensiva izraelite shkaktoi valë të gjera dënimi nga disa vende, duke përfshirë Türkiye-n, Jordaninë, Egjiptin, Indonezinë dhe vende të tjera.
