Në Gjykatën Themelore në Mitrovicë është duke vazhduar mbajtja e seancës dëgjimore lidhur me dy të dyshuarit për veprën penale “Dhënia e ndihmës kryesve pas kryerjes së veprave penale”.
Seanca është duke u mbajtur nga ora 11:00.
“Njoftojmë që për të pandehurit E.B dhe H.XH është duke vazhduar mbajtja e seancës dëgjimore në Gjykatës Themelore Mitrovicë- Dega në Vushtrri, seancë e cila ka filluar rreth orës 11, lidhur me dyshimin e bazuar se kanë kryer veprën penale ‘Dhënia e ndihmës kryesve pas kryerjes së veprave penale’ nga neni 380 par.1 të Kodit Penal të Republikës së Kosovës”, thuhet në përgjigjen e gjykatës për Tëvë1.
Të dyshuarit E.B. dhe H.Xh., dyshohet se kanë ndihmuar Faton Hajrizin pas arratisjes nga Burgu i Smrekonicës.
Autoritet serbe deklarojnë se Faton Hajrizi është vrarë në Serbi, pas dyshimit se i njëjti ka vrarë një polic serb, si dhe ka plagosur një tjetër./
