Kryetari i Bashkësisë Islame, Myftiu Naim ef. Tërnava, mori pjesë sot në vënien e gurthemelit të xhamisë në fshatin Dobërdol të Podujevës.
Ai duke uruar banorët, falenderoi edhe donatorin për këtë gjest të madh dhe u shpreh tejet i lumtur që dita-ditës po ndërtohen xhami të reja, ku besimtarët mund të kenë mundësi t’i kryejnë ibadetet ndaj Zotit.
Kryetari i Këshillit të Bashkësisë Islame të Podujevës, Mensur ef. Hoti, duke falënderuar donatorin uroi që iniciativa e tij për ndërtimin e kësaj xhamie të shërbej si shembull për të tjerët.
Krahas kësaj xhamie, në ndërtim e sipër janë edhe shumë xhami të tjera në gjithë vendin.
Bashkësia Islame e Kosovës është duke bërë përpjekje maksimale për ndërtimin e infrastrukturës për t’i përmbushur kërkesat e besimtarëve anekënd Kosovës.
