Një punonjës 21-vjeçar i Gardës Kombëtare të Forcave Ajrore të SHBA-së është arrestuar për zbulimin e dokumenteve të mbrojtjes dhe inteligjencës amerikane shkruan BBC.
Jack Teixeira thuhet se është lideri i një grupi bisedash lojrash në internet, ku skedarët janë zbuluar.
Dokumentet zbuluan informacione të ndjeshme për luftën në Ukrainë dhe vende të tjera anembanë botës.
Pamjet ajrore treguan oficerët duke bërë një arrestim në shtëpinë e familjes së zotit Teixeira të enjten. Arrestimi u bë në Dighton, një qytet me 8 000 banorë rreth një orë në jug të Bostonit.
New York Times përdori intervista dhe informacione të mediave sociale për të identifikuar z. Teixeira – një anëtar i krahut të inteligjencës së Gardës Kombëtare Ajrore të Massachusetts, përpara konfirmimit të arrestimit të tij.
FBI tha në një deklaratë se arrestimi ishte “pa incident” dhe se oficerët po vazhdonin të hetonin në shtëpi.
Që disa muaj më parë, të paktën 50, por ndoshta më shumë se 100 dokumente të klasifikuara janë postuar në Discord, një platformë e njohur e mediave sociale midis lojtarëve./atsh
Airman Jack Teixeira was arrested by the FBI earlier today and is accused of distributing classified documents.
…I hear Leavenworth sucks this time of year.
— Ryan Shead (@RyanShead) April 13, 2023
