RTV AHIRETI
LajmeRajon dhe Botë

Zelensky: Flamuri i Ukrainës do të valëvitet sërish në të gjitha pjesët e okupuara

zelensky:-flamuri-i-ukraines-do-te-valevitet-serish-ne-te-gjitha-pjeset-e-okupuara

Presidenti ukrainas, Volodymyr Zelensky, është zotuar se flamuri ukrainas do të valëvitet në të gjitha pjesët e okupuara aktualisht të Ukrainës.

Mesazhi i tij vjen një ditë para shënimit të Ditës së Pavarësisë së Ukrainës.

“Sot do të doja të flisja jo vetëm për të kaluarën e flamurit tonë, por edhe për të ardhmen e tij”, tha Zelensky të martën në një fjalim për të shënuar Ditën e Flamurit Kombëtar të Ukrainës.

“Flamuri verdhë e blu do të valëvitet sërish në shtëpinë e tij, ku supozohet të jetë me të drejtë, në të gjitha qytetet dhe fshatrat e okupuara përkohësisht të Ukrainës”, ka thënë ai, shkruan CNN-i të martën.

Kjo deklaratë ka ardhur përpara ditës së pavarësisë së vendit, që shënohet të mërkurën, e cila do të shënojë 31 vjet qëkur Ukraina shpalli pavarësinë nga Bashkimi Sovjetik.

Ngjarjet për të shënuar këtë ditë janë ndaluar në Kiev, pasi zyrtarët ka paralajmërime se Rusia mund të kryejë sulme me raketa kundër kryeqytetit ukrainas. Në qytetin e Kharkivit, autoritetet kanë shpallur shtetrrethim nga ora 19:00, në prag të Ditës së Pavarësisë deri në orën 7 të mëngjesit të së nesërmes.

E mërkura shënon gjithashtu gjashtë muaj nga fillimi i pushimit rus të Ukrainës më 24 shkurt. /koha

Related posts

Konjufca thotë se Kurti e Rama do të takohen së shpejti

rezart morina

Një orë e gjysmë pritje në dalje të pikës kufitare në Merdare, kolona arrin 1 kilometër

admin

Ish-kryeministri Hamdok: Kriza e Sudanit rrezikon të bëhet një makth për botën

admin