RTV AHIRETI
LajmeRajon dhe Botë

Zelensky: Rusia nuk duhet të lejohet të marrë pjesë në Lojërat Olimpike

zelensky:-rusia-nuk-duhet-te-lejohet-te-marre-pjese-ne-lojerat-olimpike

Presidenti ukrainas, Volodymyr Zelensky, tha se lejimi i Rusisë për të garuar në Lojërat Olimpike 2024 në Paris do të tregonte se “terrori është disi i pranueshëm”.

Ai tha se e kishte ngritur këtë çështje me presidentin francez, Emmanuel Macron.

Moska nuk duhet të lejohet t’i përdorë Lojërat Olimpike për propagandë, shtoi ai.

Komiteti Olimpik Ndërkombëtar (IOC) ka thënë se atletët rusë dhe bjellorusë mund të garojnë si neutralë në Lojërat Olimpike.

Por, Ukraina ka kërcënuar se do t’i bojkotojë ato nëse atletëve rusë dhe bjellorusë iu lejohet të garojnë.

Përpjekjet e IOC-së “për të rikthyer atletët rusë në Lojërat Olimpike janë përpjekje për t’i thënë gjithë botës se terrori është disi i pranueshëm”, tha Zelensky në fjalimin e tij të natës me video.

Rusia nuk duhet të lejohet t’i përdorë lojërat “ose ndonjë ngjarje tjetër sportive si propagandë për agresionin e saj ose shovinizmin e saj shtetëror”, shtoi ai.

IOC-ja tha këtë javë se atletët rusë dhe bjellorusë mund të konkurrojnë si “atletë neutralë”, duke deklaruar se “asnjë atlet nuk duhet të pengohet të garojë vetëm për shkak të pasaportës së tij”.

Por, Zelensky tha se nuk mund të ketë neutralitet në sport, ndërkohë që atletët e vendit të tij po vdesin në fushë-betejë.

Lojërat Olimpike Verore të vitit 2024 do të mbahen në kryeqyetin e Francës, Paris. /rel

Related posts

Shkaku i protestave, familja e kryeministrit izraelit zhvendoset në selinë e agjencisë së sigurisë – VIDEO

admin

Zelenskyy: “I pikëlluar thellësisht” nga shpërthimi në Stamboll

admin

Dialogu, sulmet kibernetike: Mediat shqiptare tregojnë temat që i folën Kurti e Rama

admin