Presidenti libanez Joseph Aoun ka denoncuar një valë sulmesh ajrore izraelite në Libanin jugor si një “krim të tmerrshëm politik”, pasi të paktën një person u vra dhe nëntë të tjerë u plagosën në sulme.
OKB thotë se Izraeli ka refuzuar 107 kërkesa për të sjellë ndihmë në Rripin e Gazës që kur marrëveshja e armëpushimit me Hamasin hyri në fuqi muajin e kaluar, ndërsa palestinezët në të gjithë enklavën vazhdojnë të vuajnë nga mungesa e ushqimit, strehimit dhe furnizimeve të tjera.
Më shumë se 10,000 palestinezë mbeten të varrosur nën rrënojat në Gaza, sipas Komitetit Kombëtar për Personat e Zhdukur në Gaza, i cili e përshkroi territorin si “varri masiv më i madh në botë”.
Kazakistani thotë se do t’i bashkohet Marrëveshjeve të Abrahamit të ndërmjetësuara nga SHBA-të, duke normalizuar lidhjet me Izraelin. Ky veprim është kryesisht simbolik pasi kombi i Azisë Qendrore ka pasur marrëdhënie diplomatike me Izraelin për dekada të tëra.
Këshilli i Sigurimit i OKB-së ka votuar për të hequr sanksionet ndaj Presidentit sirian Ahmed al-Sharaa, i cili do të takohet me Presidentin e SHBA-së Trump në Shtëpinë e Bardhë javën e ardhshme. /mesazhi
