Zjarrfikësit po luftojnë me zjarret e mëdha të egra dhe pyjore në juglindje të Bullgarisë.
“Rreth 1 000 hektarë tokë është prekur, ose afërsisht sa 1 400 fusha futbolli. Nga këto, 600 hektarë janë pyje”, njoftuan mediat bullgare të hënën.
Në komunën e Svilengradit është shpallur gjendja e jashtëzakonshme.
Përpjekjet për shuarjen e zjarrit në këto zona, të vështira për t’u arritur u penguan nga nxehtësia dhe erërat e forta.
“Nuk ka ende raportime për të plagosur. Dy shtëpi dhe ndërtesa bujqësore u dogjën në dy fshatra”, sipas një raporti të radios shtetërore bullgare.
Në rajonin e Burgasit në veri, një zjarr shkatërroi 20 hektarë pyll.
Instituti i Meteorologjisë dhe Hidrologjisë i Bullgarisë paralajmëroi se rreziku i zjarrit do të mbetet jashtëzakonisht i lartë gjatë ditëve në vijim. /atsh
