Doli në shesh për armët kimike, por mat fjalët për projektet me Kushner-in nga pas
Ndërsa për armët kimike Berisha do dilte në shesh, së bashku me Bashën e tij, tashmë pa nam e Nishan, për Zvërnecin bën të tredhurin. Kuptohet pse. Me një non grata që s’po ja heq dot as Trump, siç iluziononte me një adoleshencë të pashërueshme politike, ai shpërfaqet i tredhur, ose i vetëtredhur, në guximin e munguar për të dalë kundër.
“Së pari, në qoftë se është fjala për dhunën e ushtruar ndaj protestuesit, e dënoj atë. Ai ishte rrëmbim, në duart e policisë, dhe e dënoj atë si një akt të shëmtuar të policisë së shtetit. Së dyti, nuk kam asnjë faqe, asnjë fletë, asnjë gjë të atij projekti. Megjithëse t’ju them këtu, e kam ndjekur me shumë interes të gjitha publikimet që janë bërë. Së treti, Partia Demokratike është parti që mbështet fuqimisht investimet e huaja”, u shpreh Berisha.
Kjo impotencë opozitare është dhe shkaku se pse Rama ndihet komod në qeverisje, duke iu trembur vetëm një shpërthimi zemërate jo opozitare politikisht, por asaj që mund të vijë nga qytetarët, nga vetë njerëzit pa parti. Modelet janë: armët kimike dhe studentët. /tesheshi
